ნელი
- 8 გაკვეთილი
- 90 წუთი
- ჰიბრიდული სწავლება
რეკომენდირებული
- 12 გაკვეთილი
- 90 წუთი
- ჰიბრიდული სწავლება
რეკომენდირებული
- 12 გაკვეთილი
- 90 წუთი
- ჰიბრიდული სწავლება
წინასწარი რეგისტრაციის გავლა
რეგისტრაციის გავლა შესაძლებელია წინასწარ – წელიწადის ნებისმიერ დროს. როდესაც ჯგუფები შედგება, სწავლის დაწყებამდე 2 კვირით ადრე კურატორი დაგიკავშირდებათ ტელეფონის მეშვეობით და შეგითანხმებთ ჯგუფის განრიგს.
თუ უკვე ფლობთ იაპონურ ენას გარკვეულ დონემდე, თქვენ შეგიძლიათ სწავლა გააგრძელოთ ჩვენს ცენტრში.
წელიწადის ნებისმიერ დროს შეგიძლიათ ტელეფონის, იმეილის, ფეისბუქის ან ამ საკონტაქტო ფორმის შევსებით დაგვიკავშირდეთ.
გასაუბრებით განვსაზღვრავთ თქვენს ცოდნას და შემოგთავაზებთ ისეთ ჯგუფში განთავსებას, რომელიც ყველაზე კარგად იქნება მორგებული თქვენი იაპონური ენის ცოდნის დონეს.
წიგნების შეძენა არის სავალდებულო
ყოველთვიური საფასური განისაზღვრება განრიგის მიხედვით:
- ნელი: 170 ლარი (კვირაში 2-ჯერ)
- რეკომენდირებული: 200 ლარი (კვირაში 3-ჯერ)
მოსწავლე თავად ირჩევს გადახდის სასურველ გრაფიკს:
- ყოველთვიური – გადასახადს იხდით ყოველთვიურად წინასწარ, ყოველი თვის 9 რიცხვამდე
- წლიური – 10 თვის გადასახადს იხდით წინსწრებით, სწავლის დაწყებიდან მე-2 თვიდან ( 20%-იანი ფასდაკლება )
*აღნიშნული ფასდაკლება ვრცელდება მხოლოდ რეკომენდირებული კურსის არჩევისას
რას ნიშნავს ჰიბრიდული სწავლების მეთოდი?
თანამედროვე ცხოვრების სტილის გათვალისწინებით, იაპონურ ენისა და კულტურის ცენტრში შეიქმნა ჰიბრიდული სწავლების მეთოდი.
სტუდენტი ყოველ გაკვეთილზე თავად ირჩევს თუ როგორ დაესწრება მეცადინეობას დისტანციურად ზუმის მეშვეობით თუ ჩვენს დაწესებულებაში არსებულ სალექციო ოთახში.
ცენტრში ჰიბრიდული სწავლების მოდელი 2020 წლიდან ამუშავდა.
დაწესებულებაში განთავსებულია სწავლებისთვის საჭირო ყველა ინვენტარი – სპეციალური მიკროფონ-სპიკერები, Wacom-ის საწერი დაფები, პროექტორები და კომპიუტერები და საკლასო ოთახის ვიდეო კამერა, რაც ონლაინ დასწრებას უფრო კომფორტულს ხდის
იაპონური ენის კურსები JLPT დონის მიხედვით:
ნელი ტემპი: 1 წელი და 5 თვე (კვირაში 2-ჯერ)
რეკომენდირებული ტემპი: 1 წელი (კვირაში 3-ჯერ)
პირველ კურსზე იაპონური ენისა და კულტურის ცენტრში სტუდენტები შეისწავლიან ორი დონის მასალას (N5-N4). თორმეტი თვის განმავლობაში შეისწავლება იაპონური ანბანი ჰირაგანა, კატაკანა, გრამატიკა და 300 იეროგლიფი. თავდაპირველად ენას შეგასწავლით ქართველი სენსეი, კურსის დაწყებიდან 6-7 თვეში კი სწავლის პროცესს შემოუერთდება იაპონელი მასწავლებელიც. კურსის მიზანია, რომ სტუდენტებმა 1 წლის განმავლობაში შეძლონ იაპონურად მარტივი სასაუბრო დიალოგების წარმართვა, წერა-კითხვა და ასევე ზოგადად გაეცნონ იაპონურ კულტურას.
ნელი ტემპი: 2 წელი და 5 თვე (კვირაში 2-ჯერ)
რეკომენდირებული ტემპი: 1 წელი და 5 თვე (კვირაში 3-ჯერ)
მეორე კურსზე ისწავლება JLPT N3-ის მასალა კურსის მიზანია, რომ სტუდენტებმა შეძლონ იაპონურად საშუალო დონის სასაუბრო დიალოგების წარმართვა და წერა-კითხვა გამართული ინტონაციით. ამავდროულად ისწავლონ შედარებით რთული გრამატიკული კონსტრუქციების გამოყენება და ჩამოუყალიბდეთ იაპონურად სწრაფად საუბრის უნარი. კურსის განმავლობაში სტუდენტები სწავლობენ 400 იეროგლიფს და იაპონური კულტურის დამახასიათებელ მნიშვნელოვან დეტალებს.
ნელი ტემპი: 3 წელი და 2 თვე (კვირაში 2-ჯერ)
რეკომენდირებული ტემპი: 2 წელი და 3 თვე (კვირაში 3-ჯერ)
კურსის მიზანია, სტუდენტებმა შეძლონ რთული დიალოგების წარმართვა და რთული ტექსტების წერა-კითხვა, ისწავლება მაღალი საფეხურის გრამატიკა, ასევე შეისწავლიან დამატებით 500 იეროგლიფს. ძირითადი ყურადღება ეთმობა ბიზნეს იაპონურს, თავაზიანი საუბრის ფორმა “კეიგოს” და იაპონური საინფორმაციო გადაცემების, სტატიების კითხვა-გარჩევას. JLPT N2 დონის სერტიფიკატის მოპოვების შემთხვევაში სტუდენტებს შეუძლიათ თავისუფლად დასაქმდნენ ან სწავლა გააგრძელონ იაპონიაში. ჩაბარების შემთხვევაში, იაპონიის მთავრობა განიჭებთ 10 ქულას მაღალკვალიფიციური უცხოელი პროფესიონალის სტატუსის ფარგლებში.
ნელი ტემპი: 4 წელი და 2 თვე (კვირაში 2-ჯერ)
რეკომენდირებული ტემპი: 3 წელი (კვირაში 3-ჯერ)
კურსის მიზანია, სტუდენტებმა შეძლონ იაპონური ლიტერატურის კითხვა, შინაარსის გამოტანა, საუნივერსიტეტო ნაშრომის წერა, იაპონურ ენაზე კვლევის ჩატარება, თარჯიმნობის უნარის გამომუშავება. სწავლის განმავლობაში ახალი იეროგლიფების რაოდენობა 1000-ს სცდება. JLPT N1 არის იაპონური ენის ცოდნის ყველაზე მაღალი დონის სერტიფიკატი. ჩაბარების შემთხვევაში, იაპონიის მთავრობა განიჭებთ 15 ქულას მაღალკვალიფიციური უცხოელი პროფესიონალის სტატუსის ფარგლებში.
იაპონური ენისა და კულტურის ცენტრში საკლასო ოთახები დაყოფილია თემატურად:
未来室 - მირაიშიცუ - მომავლის ოთახი
漫画室 - მანგაშიცუ - მანგების ბიბლიოთეკა
文学室 - ბუნგაკუშიცუ - ლიტერატურის ბიბლიოთეკა
和室 - ვაშიცუ - იაპონური ტრადიციული ოთახი
ყველა ოთახში განთავსებულია: კონდიციონერი, პროექტორი, დაფა, ვიდეო კამერა, Wacom-ის პლანშეტი, კომპიუტერი და დინამიკები.
ცენტრის მოსწავლეებს შეუძლიათ ოთახში არსებული წიგნების, კიმონოებისა და სხვადასხვა ტრადიციული აქსესუარებით სარგებლობა, რაც იაპონური ენისა და კულტურის სწავლების პროცესს უფრო სახალისოს ხდის.
- სწავლის განმავლობაში ჯგუფის შეცვლა შესაძლებელია,
- ამის შესახებ უნდა აცნობოთ ცენტრს წინასწარ, 10 დღით ადრე.
- სწავლის დასრულებისას ცენტრი გასცემს იაპონურ ენოვან სერტიფიკატს, ამავედროს ჩვენი მოსწავლეები რეგულარულად აბარებენ JLPT-ის სასერტიფიკატო გამოცდას და ენიჭებათ იაპონური ენის ცოდნის დამადასტურებელი უვადო სერტიფიკატი.
თუ წელიწადის განმავლობაში რამდენიმეჯერ დაფიქსირდა სწავლის ქირის დაგვიანება, ცენტრი იტოვებს უფლებას რომ მოსწავლეს შეუზღუდოს გაკვეთილებზე წვდომის უფლება.
იაპონურ ენისა და კულტურის ცენტრში ისწავლება მხოლოდ იაპონური.
სწავლის შეწყვეტის შემთხვევაში, აუცილებლად უნდა დაუკავშირდეთ ცენტრს და აცნობოთ თქვენი გადაწყვეტილება სწავლის საფასურის დაფარვამდე 10 დღით ადრე. ცენტრის დატოვების შესახებ გაუფრთხილებლობის შემთხვევაში სწავლის ქირა არ ანაზღაურდება.
გთხოვთ გაითვალისწინოთ, რომ პედაგოგის გაფრთხილების საფუძველზე ცენტრში სწავლების შეწყვეტა არ ხორციელდება.
მასწავლებელთან გასაუბრება შესაძლებელია ნებისმიერ დროს, თუმცა გაითვალისწინეთ, რომ ცენტრი არ წარმოადგენს სკოლას, შესაბამისად ჩვენი მხრიდან არ ხორციელდება მშობლების სისტემატიური ინფორმირება მოსწავლის დასწრებისა და აქტიურობის შესახებ.
30 დეკემბერი – 14 იანვრის ჩათვლით – ახალი წელი
შობის ბრწყინვალე დღესასწაული *ახალი წლის და სააღდგომო უქმე დღეების კვირეულში სწავლის საფასურის გადახდის გრაფიკი არ იცვლება, გაცდენილი გაკვეთილები აღდგება წლის განმავლობაში, ხოლო სხვა, უქმედ გამოცხადებული დასვენების დღეები აღდგენას არ ექვემდებარება
8 მარტი – ქალთა საერთაშორისო დღე
9 აპრილი — საქართველოს დამოუკიდებლობის აღდგენის დღე
სააღდგომო დღეები: დიდი პარასკევი, დიდი შაბათი, აღდგომა, მიცვალებულთა მოხსენიების დღე (აღდგომის შემდეგი ორშაბათი)
26 მაისი – საქართველოს დამოუკიდებლობის დღე
14 ოქტომბერი – მცხეთობა
საპრეზიდენტო/საპარლამენტო არჩევნების დღე(ები)
23 დეკემბერი – იაპონიის იმპერატორის დაბადების დღე
საზაფხულო დასვენება 15 ივლისიდან-სექტემბრამდე
ზამთრის დასვენება 30 დეკემბრიდან-14 იანვრამდე
ცენტრის კონტრაქტის და შინაგანაწესის ჩამოტვირთვა შესაძლებელია ქვემოთ მოცემული ბმულების მეშვეობით:
*საჭიროებს მშობლის ან სრულწლოვანი წარმომადგენლის ინფორმაციის მითითებას